Të tjera lëkundje tërmeti kanë tronditur pasditen e sotme kryeqytetin turk Ankaranë.
Bëhet me dije se sipas Qendrës Europiane për Tërmetet, magnituda ishte 4.5 e shkallës Richter, ndërsa thellësia e lëkundjeve ishte vetëm 2 kilometër.
Ndërkohë epiqendra ishte rrethi Kalecik në afërsi të Ankarasë, ndërkohë që fatmirësisht deri më tani nuk është raportuar për viktima apo dëme materiale.
Kujtojmë se më 30 tetor, një tërmet i fuqishëm me madhësi 6.6 ballë, tronditi qytetin e tretë më të madh të Turqisë, Izmirin, duke vrarë të paktën 115 dhe duke plagosur më shumë se 1.000 persona.
Tërmeti i mëparshëm goditi rajonin turk të Egjeut duke lënë pas 115 viktima, ndërsa 23 persona të plagosur ende janë duke u trajtuar nëpër spitale.
Agjencia e Menaxhimit të Fatkeqësive dhe Emergjencave (AFAD), gjithashtu njoftoi se 1.011 persona që janë plagosur, janë liruar nga spitalet.
Po ashtu AFAD raportoi se pas tërmetit 6,6 ballësh më 30 tetor, janë regjistruar rreth 2.846 lëkundje në zonë, 46 prej të cilave më të forta se 4 ballë.
Presidenti turk Recep Tayyip Erdoğan, pas tërmetit të 30 tetorit në Ankara, premtoi se ndërtesat e dëmtuara do të rindërtohen sa më shpejt të jetë e mundur.
Ndërkohë edhe Ministri i Mjedisit dhe Urbanizmit, Murat Kurum, njoftoi se 342 ndërtesa në Izmir, ku ishte edhe epiqendra e tëmretit, janë shkatërruar ose janë dëmtuar rëndë, 3.660 ndërtesa të tjera janë dëmtuar lehtë, si dhe 383 janë dëmtuar mesatarisht./Gazetareforma.com/
