Atentati ndaj Ardian Çapjas u shoqërua me bujë të madhe, teksa së fundmi Dosja.al ka zbardhur detaje në lidhje me pistat ku është fokusuar grupi hetimor.
Hetimet janë përqëndruar tek konfliktet që Çapja ka pasur me ‘rivalët’ në Elbasan, që banojnë në periferi të këtij qyteti dhe konkretisht, bëhet me dije se kanë nisur verifikimet për një person nga Fushë-Kruja dhe për dy të tjerë nga Elbasani, pa dhënë më tepër detaje.
Kjo pistë, fut sërish në lojë Fushë-Krujën, një nga ‘këndet’ e trekëndëshit të Bermudës, që përmendet sa herë që bëhet fjalë për ngjarje të kronikës së zezë.
Po ashtu, një tjetër pistë ku po hetohet është jashtë kufirit të Shqipërisë, pasi dyshohet se konfliktet që kanë sjellë dhe atentatin mund të kenë nisur disa muaj më parë jashtë kufijve, ku Çapja është përfshirë në një konflikt.
Mëngjesin e të hënës Elbasani do zgjohej me një ngjarje të rëndë, pasi Ardian Çapja, koka e familjes Çapja dhe pronari i një sërë bizneseve ka rënë pre për herë të tretë e një atentati.
Ai është qëlluar me snajper, por arriti të mbijetonte, duke u plagosur në shpatullë dhe këmbë, teksa menjëherë u transportua drejt Spitalit të Traumës në kryeqytet.
Mësohet se një person i veshur si punonjës në fushën e ndërtimit, me kominoshe që përdorin punonjësit e llaçit, ka zbritur nga një automjet i llojit “Range Rover”, i Policisë dhe ka vrapuar drejt banesës së Çapjave, ku ka qëndruar për më shumë se një orë.
Nga ana tjetër, pas atentatit, mësohet se janë angazhuar të gjithë njerëzit e Çapjave dhe janë vënë në ndjekje të autorëve, ndërsa disa prej tyre bllokuan rrugën kryesore në dalje të Krastës dhe pritën momentin kur me ‘shpejtësi skëterrë’ kaloi mjeti i atentatorëve.
Edhe pse plumbi i kaloi pak centimatra pranë zemrës dhe një tjetër e mori në këmbë, Çapja ia doli të mbijetojë dhe sot ka lënë spitalin e Traumës, 48 orë pasi u qëllua me snajper në oborrin e shtëpisë së tij në Elbasan.
Megjithatë ai nuk e ka pranuar për asnjë moment se ndaj tij nuk ka pasur asnjë atentat dhe se plaga i është shkaktuar pasi ai ra mbi një shufër hekuri.
