Cristian Shpendi, sulmuesi i Kombëtares U-21 të Shqipërisë, është kthyer në një nga emrat më të përmendur në futbollin italian pas paraqitjeve të tij të shkëlqyera me Cesena-n në Serie B.
Forma e tij e jashtëzakonshme ka tërhequr vëmendjen e klubeve të mëdha të Serie A, përfshirë Napoli, Roma, Torino, Atalanta, Lecce, Como, Cagliari dhe Fiorentina.
Sipas mediave italiane, Fiorentina është e interesuar ta transferojë 21-vjeçarin dhe raportohet se bisedimet për një kalim të mundshëm do të nisin në janar, me synimin që ai të bashkohet me klubin në verë.
Cesena e vlerëson Shpendin rreth 15 milionë euro, një shifër që duket e justifikuar duke parë formën e tij të shkëlqyer, me 10 gola të shënuar këtë sezon në Serie B dhe Kupën e Italisë.
Shpendi ka një kontratë me Cesena-n deri në vitin 2026, dhe klubi italian nuk ka ndërmend të ulë çmimin për kartonin e tij, duke marrë parasysh interesin e madh që ka për lojtarin.
