Rezultati i zgjedhjeve presidenciale të SHBA-ve nuk është konfirmuar ende zyrtarisht, edhe pse mediat ndërkombëtare kanë shpallur tashmë si fitues kandidatin demokrat për president Joe Biden, nisur nga rezultatet praprake.
Por në një kohë kur Donald Trump vijoj të jetë akoma presidenti i 45-të i SHBA-ve dhe në detyrë të plotë në krye të Shtëpisë së Bardhë, sermët në Jug të Serbisë dhe kufi me Kosovën, duket se janë gëzuar parakohe.
Janë pikërisht serbët e Veriut të Kosovës që janë shprehur kundër vendimit që Liqeni i Ujmanit të pagëzohet me emrin e presidentit amerikan, Donald Trump.
Madje edhe mbishkrimi “Lake Trump” që dikush e kishte vendosur në hapësirat e Liqenit të Ujmanit, pas Marrëveshjes së Uashingtonit, është larguar, njofton “Klan Kosova”.
Ata kanë thënë se, duan që emri i basenit ujor të mbetet siç e quajnë ata, “Gazivodë”. Edhe shqiptarët e zonës pajtohen që liqenit t’i mbetet emri origjinal, “Ujman”.
Ideja për emërimin “Lake Trump” të këtij liqeni, fillimisht kishte ardhur në formë shakaje nga emisari special për dialog, Richard Grenell, në Shtëpinë e Bardhë ku po diskutohej Marrëveshja e Uashingtonit, por që është marrë seriozisht nga kryeministri Avdullah Hoti, i cili e ka pranuar këtë propozim.
Nga Qeveria e Kosovës nuk dhanë përgjigje nëse kjo ide do të shtyhet përpara, apo nëse gjërat kanë ndryshuar tani që Joe Biden u vetshpall si president i Shteteve të Bashkuara.
/GazetaReforma.com/
