Pas 4 vitesh hetim, autoritetet italiane kanë finalizuar operacionin e koduar “Vinculum” duke shkatërruar 4 organizata kriminale të kontrabandës së cigareve nga Europa Lindore në Itali.
Në kuadër të operacionit u arrestuan 3 persona, në mesin e të cilëve edhe një shqiptar.
Sipas mediave italiane, ditën e sotme janë sekuestruar mbi 20 ton steka cigaresh dhe 3550 kg cigare të një cilësie të ulët, të paketuara me dorë, me nivele shumë të larta të katranit dhe monoksidit të karbonit.
Cigaret e sekuestruara ishin të markave “MARLBORO”, “REGINA”, “@MAIL”, “RICHMAN”, “D&B”, “GOLD MOUNT”, “REGAL”, “COMPLIMENT”, “WINSTON”, “L&M” e “MINSK SUPER”
Ato ishin të prodhuara në fabrika të palicensuara, në vende ku konsumimi i cigares është minimal.
Guardia di Finanza e Trentos evidentoi 4 organizata kriminale, që vepronin në provincat; Milano, Monza, Brianza, Napoli, Salerno, Brindis dhe Bari.
Trafiku kryhej nga kalimi Brenner që ndodhet në Alpe në kufirin mes Italisë dhe Austrisë, nga Greqia dhe nëpërmjet detit nga Malajzia.
