80 mijë paketa cigareje kontrabandë janë sekuestruar në pikën kufitare të “Hanit të Hotit”.
Dyshimet e para nisën pas këqyrjes së dokumentacionit shoqërues të ngarkesës dhe pasi strukturat doganore ushtruan kontroll në mjetin e dyshuar, rezultoi një ngarkesë të papajisur me pulla fiskale të Shqipërisë apo të ndonjë vendi tjetër.
Mësohet se sasia e sekuestruar i përket konpanisë “REGINA RED”.
Rasti u referua në Prokurorinë pranë Gjykatës së Shkallës së Parë Shkodër, për vepren penale “Kontrabandë me mallra që paguajnë akcizë ose me pezullim të plotë apo të pjesshëm nga detyrimet doganore ose të akcizës” dhe “ Falsifikimi i vulave, stampave ose i formularve” të parashikuar nga neni 172 dhe 190/3 të Kodit Penal.
Ndërkohë në bashkëpunim me Prokurorinë pranë Gjykatës së Shkallës së Parë Shkodër, po kryhen veprimet e mëtejshme hetimore.
