Ambasadorja amerikane Yuri Kim ka reaguar në rrjetet sociale pas vendimit të Gjykatës së Posaçme për të sekuestruar pasurinë e tre ish-gjyqtarëve të lartë që nuk kaluan vettingun për mos deklarim të pasurisë. Kim me anë të një postimi në rrjetet sociale ka theksuar se Reforma në Drejtësi nuk do të jetë e shpejtë e lehtë dhe e përsosur, por po ecën përpara hap pas hapi dhe se po funksionon.
“Gjykata speciale pranoi kërkesën e SPAK për sekuestrimin e pasurive të dy ish-gjyqtarëve të Gjykatës Kushtetuese dhe një ish-gjyqtari të Lartë të Gjykatës së Lartë, të cilët dështuan të verifikojnë për fshehjen e pasurive. Reforma në Drejtësi nuk do të jetë e shpejtë, e lehtë ose e përsosur – por po ecën përpara, hap pas hapi”, shkruan ambasadorja Yuri Kim.
Kujtojmë se Gjykata e Posaçme vendosi sekuestrimin e pasurive për tre ish-gjymëtarë të lartë. Bëhet fjalë për ish-kreun e Gjykatës Kushtetuese Bashkim Dedja, ish-anëtarin e Gjykatës Kushtetuese Fatos Lulo dhe ish-anëtarit të Gjykatës së Lartë Shkëlzen Selimi. Vendimi erdhi pas kërkesës së SPAK, bazuar në hetimet për fshehje pasurie ndaj tre ish-gjyqtarëve të lartë.
