Detaje të reja dalin në dritë në lidhje me kamionin që u bllokua ditën e sotme në Kakavijë ku dhe u sekuestruan 15 kg heroinë. Mësohet se mjeti në momentin që është kontrolluar ga Policia Kufitare ka qenë bosh, ndërsa thuhet se do të ngarkohej në Greqi me mallra për ndërtim.
Gjithashtu mësohet se mjeti ishte pjesë e linjës Tiranë-Athinë, ndërsa ishte hera e dytë që kalonte në këtë pikë.
Sipas Ballkanweb nga skaneri pati dyshime dhe u kontrollua me imtësi më vonë kamioni. Po ashtu bëhet e ditur se vendi ku ishte fshehur droga ishte përshtatur me mbulesë që mos ta kapte skaneri.
Kujtojmë se ditën e sotme Policia ka arritur të finalizoj me sukses operacionin e koduar “Koordinimi”, në Kakavijë. Gjatë kontrollit në një kamion janë kapur 15 kg lëndë narkotike e dyshuar si heroinë, e cila u sekuestrua ng Policia Kufitare në bashkëpunim me FRONTEX. Mësohet se lënda narkotike ishte e fshehur në një vend të përshtatur në kroskotin e një kamioni që po drejtohej nga shtetasi Shpëtim Pjeshka, 63 vjeç, nga Elbasani i cili ka rënë në prangat e policisë. Gjatë kontrollit të detajuar nga shërbimet e Policisë Kufitare dhe ato të Sektorit për Hetimin e Narkotikëve në DVP Gjirokastër u gjetën dhe sekuestruan në cilësinë e provës materiale 30 pako të mbushura me lëndë narkotike të dyshuar heroinë, me peshë totale 15 kilogramë.
