Përfaqësues të Ambasadës Amerikane janë paraqitur në Gjykatën Penale të Tiranës për të ndjekur seancën gjyqësore ndaj 20-vjeçarit Ermes Hoxhalli, i cili akuzohet për “Falsifikim kompjuterik” dhe “Falsifikim dokumentesh”.
Hoxhalli krijoi një identitet të rremë si Klea Rama dhe përdori kredencialet e një diplomateje të lartë të Ambasadës Amerikane në Tiranë për të mashtruar zyrtarë arsimorë në Shqipëri.
Ai pretendoi se udhëhiqte një projekt për të rinjtë nën logon “Let’s Talk Together About US’23 dhe ’24” dhe shpërndau 19 çertifikata për pjesëmarrësit, duke përfshirë nxënës dhe një mësues nga Shkolla e Mesme “Ali Demi” në Vlorë.
Ai premtoi udhëtime falas për në SHBA për nxënësit dhe mësuesit që morën pjesë në këtë projekt të falsifikuar.
