Një ditë më parë ministrja e Shëndetësisë, Ogerta Manastirliu, deklaroi sigurimin e 100 mijë testeve të para të shpejta për koronavirusin, ndërsa sot kryeministri Edi Rama, ka deklaruar se ai është nisur drejt Shteteve të Bashkuara, me qëllim sigurimin e vaksinës.
Lajmin e ka bërë të ditur vetë Rama nga rrjetet sociale, i cili ka theksuar se kjo vizitë drejt SHBA-ve është për vaksinën kundër koronavirusit.
Në një postim në profilin e tij në “Tëitter”, Rama ka shkruar me gjasë para nisjes se kontakti sy me sy me prodhuesit e saj, është për këtë qëllim.
Nuk dihet se vërtetë kjo vizitë e tij në SHBA do tën jetë pikërisht për sigurimin e një vaksine, apo për çështje të tjera më konfidenciale, por ajo që duket qartë është se edhe këtë gjë Rama po e përdor për kapital politik për fushatën zgjedhore.
Në fakt, sigurimi qoftë edhe i 100 mijë dozave të para të vaksinës së koronavirusit përpara zgjedhjeve të prillit, vitin e ardhshëm, do t’i jepte jo pak pikë kryeministrit Rama, i cili është konsumuar mjaftë në këto dy mandate qeverisjeje me probleme të shumta.
POSTIMI I EDI RAMËS:
“Sigurimi i vaksinës sa më parë është një prioritet i luftës sonë kundër Armikut të Padukshëm dhe s’do lemë gur pa luajtur që vaksina të fillojë të vijë sa më parë në Shqipëri!Kontakti sy më sy me prodhuesit e vaksinës i shërben këtij qëllimi. Rrugës për në Shtetet e Bashkuara ✈️”,- shkruan Rama.
/GazetaReforma.com/
