Ambientalisti i njohur Sazan Guri ishte i ftuar ditën e sotme në emisionin “Shqipëria Live” për të diskutuar mbi vendimin e fundit të qeverisë për mbajtjen e maskës edhe në ambientet e jashtme, por teksa flitej për këtë temë ai nxorri dhe një hipotezë të re në lidhje me maskat.
Ai ka rreshtuar të gjitha pasojat që nga frymëmarrja apo infeksioni i gojës, duke lënë për në fund se maska të bën pak budalla.Këtë argument Guri e lidh me mosoksigjenimin e organizmit.
“Mbajtja e maskës sjell sëmundjen e gojës që nga fyti, faringu, laringu, pse nuk sëmuren ata që punojnë në çimento, sepse i mbron goja. Mbajtja e maskës rrit nivelin e dyoksidit të karbonit në organizëm dhe të bën edhe pak budalla”, tha Guri.
Kujtojmë se Sazan Guri ka qenë një ndër personat e parë që ka kundërshtuar mbajtjen e maskës pas përhapjes së pandemisë së COVID-19.
