Një ngjarje e rëndë ka ndodhur mesditën e sotme në Sarandë, ku një 12-vjeçar ka plagosur me mjet prerës një 15-vjeçar.
Ngjarja ka ndodhur në rrugën “Adem Sheme”, në lagjen nr. 2, pas një konflikti për motive të dobëta.
I mituri i plagosur është transportuar menjëherë në spital dhe ndodhet jashtë rrezikut për jetën, ndërsa autori i dyshuar, shtetasi M.M., është shoqëruar në Komisariatin e Policisë Sarandë për veprime procedurale.
Policia ka sekuestruar mjetin prerës të përdorur në ngjarje dhe po vijon hetimet për të sqaruar rrethanat dhe dinamikën e saj.
