Prej ditës së djeshme, zjarret e mëdha kanë përfshirë disa fshatra të Finiqit, përfshirë Velahovën, Livinën, Ardhasovën, Bistricën dhe Krongjin.
Era e fortë ka ndihmuar në përhapjen e flakëve, duke shkaktuar që qyteti i Sarandës të mbulohet nga një re hiri e dendur.
Automjetet janë mbuluar nga grimca të imëta hiri dhe mbetje djegieje, që krijojnë një shtresë të zezë pluhuri të dukshme.
Autoritetet po punojnë intensivisht për të vendosur nën kontroll vatrat e zjarrit në Finiq dhe për të parandaluar përhapjen e tyre më tej.
