Mbrëmjen e sotme, dy tërmete me magnitudë 5.3 dhe 5.2 të shkallës Rihter goditën brigjet e Santorinit brenda një minute nga njëri-tjetri, sipas Institutit Gjeodinamik të Greqisë.
Tërmeti i parë, me magnitudë 5.3, u regjistrua në orën 22:15, me epiqendër 15 kilometra në jug-jugperëndim të Arkesinit, Amorgos. Vetëm një minutë më vonë, në orën 22:16, ndodhi edhe tërmeti i dytë me magnitudë 5.2.
Lëkundjet sizmike janë ndjerë në Atikë dhe Kretë.
Gjatë tre ditëve të fundit, rajoni detar mes Santorinit, Amorgos dhe Ios është përfshirë nga një “stuhi” sizmike, ku janë regjistruar mbi 550 tërmete me magnitudë mbi 3 ballë të shkallës Rihter, me më të fortin prej 4.9 ballësh.
Autoritetet po monitorojnë situatën, ndërsa sizmologët paralajmërojnë për mundësinë e pasgoditjeve.
