Në datat 15 dhe 16 maj, Tirana do të mirëpresë Samitin e Komunitetit Politik Europian, me pjesëmarrjen e liderëve nga e gjithë Europa.
Për të garantuar mbarëvajtjen e këtij aktiviteti dhe sigurinë maksimale të delegacioneve, Policia e Shtetit ka miratuar një plan të detajuar masash, që përfshin bllokime rrugësh, kufizime qarkullimi, ndalim parkimesh dhe devijime të lëvizjes në disa akse kyçe të kryeqytetit.
Perimetri i bllokuar në datën 16 maj (ora 06:00–18:00):
Do të jetë i paaksesueshëm nga këmbësorët dhe automjetet territori që përfshin:
• Kryqëzimi i bulevardit “Zhan d’Ark” deri tek rruga “Myslym Shyri”
• Rruga “Myslym Shyri” nga kryqëzimi me “Ibrahim Rugova” deri tek bulevardi “Dëshmorët e Kombit”
• Rruga “Ibrahim Rugova” deri te rruga e Kavajës
• Rruga “Ded Gjo Luli”, “Urani Pano” dhe më tej deri në rrugën “George W. Bush”
• Bulevardi “Zogu i Parë” deri tek tuneli i ish-Cirkut
Devijimet e qarkullimit për shkak të këtij perimetri:
• Bulevardi “Zogu i Parë” devijohet te Ministria e Drejtësisë
• Rruga e Durrësit – te Ministria e Arsimit
• Rruga e Kavajës – te semafori i “Tymit”
• “Myslym Shyri” – te rruga “Sami Frashëri”
• Rruga e Dibrës dhe “Hoxha Tahsim” – tek kryqëzimi “Tefta Tashko”
Bllokime të plota të akseve rrugore për qarkullimin e delegacioneve:
• 14 maj, ora 22:00 – 23:00: Aeroporti “Nënë Tereza” – Thumanë – Kashar – Astir – Sauk – Rruga e Elbasanit – Hotel “Plaza”
• 15 maj, ora 08:00 – 24:00: I njëjti aks në intervale të ndryshme sipas lëvizjeve të delegacioneve
• 16 maj, ora 06:30 – 11:30: Rinas – qyteti i Tiranës deri në sheshin “Skënderbej”
• 16 maj, ora 13:00 – 18:00: Lëvizja në drejtim të kundërt për kthimin e delegacioneve
Rrugë alternative për qytetarët:
• Për Rinas: rrugët dytësore “Tiranë–Qafë Kashar–Rinas”, Unaza Veriore përmes “Paskuqan–Kamëz–Domje–Laknas”
• Për Astirin: nënkalimi te “Pallati me shigjeta”, mbikalimi “Teodor Keko”
• Zona “Qyteti Studenti” dhe “Blloku i vilave gjermane”: përmes bulevardit “Bajram Curri”
• Për akses në Spitalin “Shefqet Ndroqi”: rruga “Pasho Hysa” – “Ali Demi”, sipas orareve të lejuara
Bllokime parkimesh më 15–16 maj:
• Në Tiranë: parkimet nëntokësore te Sheshi “Skënderbej”, Hotel “Plaza”, Hotel “Tirana”, “Torre Drini”, “Toptani”, “Green Tower”
• Në Rinas: 2 parkime në zonën VIP dhe 2 të tjera përballë
Mjetet që shkelin urdhrin do të largohen dhe ndëshkohen.
Kufizime pjesore në rrugë pranë hoteleve të delegacioneve (15–16 maj):
Do të preken lëvizjet përreth hoteleve: “MAK Albania”, “Marriot”, “Rogner”, “Plaza”, “Xheko Imperial”, “Radisson”, “Hilton”, “Ark Boutique”, “Diplomat 1”, “Holiday Inn” dhe aksit që lidh këto me Sheshin “Skënderbej”.
Kufizime shtesë më 15 maj, ora 19:00 – 24:00:
• Aksi “Rruga e Elbasanit – Rrethi i Saukut – Autostradë – Rrethrrotullimi TEG – Rezervat e Shtetit”
Ndalimi i pushimit dhe qëndrimit të mjeteve (15–16 maj, ora 06:00–20:00):
• Nga rrethi i “Ekonomikut” deri në rrugën “George W. Bush” dhe gjithë perimetrin e bllokuar
Policia e Shtetit u bën thirrje qytetarëve të shmangin lëvizjet me mjete private në këto zona dhe të ndjekin udhëzimet për rrugë alternative.
