Kujtuam se Salsano Rrapi bëri shaka kur prezantoi moderatoren e re të “Portokallisë”dhe në vend të saj doli Xhemi Shehu, kolegia e tij e vjetër.
Por në fakt brenda shakasë së tij fshihej një e vërtetë që e zbuloi sot regjisori Altin Basha për “Ftesë në Pesë”.
Gjatë intervistës, ai tregoi se sezoni i ri do të ketë ndryshime dhe prurje të reja, por surpriza më e madhe do të jenë moderatorët.
Nga kjo e dielë, spektakli i humorit në Shqipëri do të drejtohet nga katër moderatorë.
“Fillojmë me 4 moderatorë, do të jetë një surprizë interesante fillimi i këtij sezoni, do të vazhdojmë me surpriza të tjera. Kemi shumë produkt i cili pret të shfaqet dhe jemi të kënaqur me rezultatin. Do jenë 2 aktorë të rinj meshkuj, por do të ketë edhe femra që do të vijojnë në sezon. Do të ketë të ftuar edhe aktorë të njohur”, u shpreh Basha.
Ende nuk dihet se cilët do të jenë emrat që do prezantojnë krah Xhemit e Salsanos, ndaj na mbetet të presim me padurim të dielën mbrëma.
Burimi: Iconstyle.al
