Si në çdo zgjedhje, do të ketë të gëzuar dhe të pakënaqur. Duket se kështu ka ndodhur edhe nga zgjedhja e kupolës drejtuese të Partisë Demokratike.
Deputeti Ervin Salijani ishte një prej demokratëve, që e cilësoi procesin me intriga apo “lojë pa top”, ndërsa tha se i vetmi lajm pozitiv është nisja e protestave.
“Nuk ka rëndësi nëse luan pa top apo luan me intrigë, unë luaj me zemër dhe do të vazhdoj të kontribuoj fuqishëm edhe pa pasur asnjë funksion. Sot lajmi duhet të jetë vetëm protestat dhe bashkimi i çdo demokrati dhe çdo opozitari për të rrëzuar Ramën”, tha Salijani për mediat.
