Ish-deputeti i Partisë Demokratike, Ervin Salianji ka bërë sot me dije se PD ka parashikuar që deri me datë 15 shtator, të përzgjedhë kandidatët për deputetë dhe kryetarë bashkish.
Sipas tij, PD ka nisur përgatitjen shumë kohë më parë për të përzgjedhur kandidaturat e saj për zgjedhjet lokale dhe të përgjithshme, një proces i cili pritet të përfundojë nga mesi i muajit shtator.
“Ne si forcë politike kemi nisur përgatitjen shumë kohë më përpara dhe tani, deri me datë 15 shtator, do të mbyllim dhe do të përfundojmë procesin e përzgjedhjes së kandidatëve për kryetar bashkie dhe për deputet”, tha ai.
Në një intervistë për “Në fokus”, Salianji foli edhe për garancitë e procesit zgjedhor, ku sipas të cilit, strukturat e PD do të monitorojnë fushatën dhe do të denoncojnë në çdo rast të ndonjë konstatimi për shitblerje vote apo presione të formave të ndryshme ndaj qytetarëve.
Ish-deputeti demokrat theksoi se ndërkombëtarët, por edhe partitë popullore europiane kanë kërkuar që zgjedhjet lokale të mbahen në të njëjtën ditë me ato parlamentare dhe kjo për shkak të votimeve të papranuara moniste të 30 qershorit.
