Pasditen e sotme në media u raportua se drejtori i Spitalit të Kavajës, Përparim Daiu, ka dhënë dorëheqjen pasi ka patur disa mosmarrëveshje me kryebashkiakun e Kavajës.
Së fundmi, ish-kryeministri Sali Berisha ka publikuar në Facebook një mesazh, që pretendon se ia ka dërguar një mjek pas dorëheqjes së Daiut.
Sipas këtij mesazhi, shkak për mosmarrëveshjen është bërë vendosja e karantinës në Kavajës, gjë e cila është refuzuar nga drejtori Daiu, i cili është ofenduar nga kryebashkiaku Redjan Krali.
Berisha i kërkon kryeministrit Edi Rama të mbajë larg duart nga Kavaja dhe të krijojë në baza ushtarake zonën e karantinës për të infektuarit.
POSTIMI I BERISHËS
Edvin Hajduti larg duart nga Kavaja!
Edvin Hajduti dhe ndrikull Hajnia nuk i ndahen Kavajës. Në vend se të krijojnë në baza ushtarake zonën e Karantinës për të infektuarit nga koronavirusi dhe të trajtimit të tyre, duan të vendosin atë në një nga zonat më të populluara të vendit. Krim!
Lexoni denoncimin e mjekut dixhital. sb
Doktor, në një mbledhje të thirrur pasditen e sotme nga kryetari monist i Kavajës Redjan Krali me të gjithë drejtorët ka pasur debate të forta me drejtorin e spitalit Përparim Daiu në lidhje me shpalljen e spitalit tonë Karantinë.
Pasi Daiu e ka kundërshtuar kategorikisht dhe pas një deklarate të tijën sot në Klan se Kavaja nuk do të bëhej Karantinë për Koronavirusin, Redjan Krali i ka kërkuar llogari se në emër të kujt fliste ai dhe duke e sharë e ofenduar i ka thënë se je i shkarkuar nga detyra dhe mos të shoh më nesër në punë!
Doktor, kjo punë nuk zgjidhet me shkarkim drejtorësh por me anulimin e menjëhershëm të urdhrit tinëzar nga ministria për shpalljen e spitalit tonë Karantinë.
Këta nuk njohin kufij kur partia u jep urdhra! Kryetari i Bashkisë i ka thënë ‘po tha shef Edi karantinë do bëhet karantinë spitali dhe pikë’.
Kujtojmë se pasditen e sotme në Berat 4 pacientë janë konfirmuar me gripin AH1N1 ose siç njihet ndryshe ‘gripi i derrit’.
4 rastet janë konfirmuar nga mjekët e infeksionistë të Spitalit Rajonal Berat, teksa mjekja e infeksioniste në Spitalin Rajonal të Beratit, Etleva Vila konfirmon se ka pasur edhe raste të tjera të komplikuara e me probleme plomonare, edhe pse nuk kanë qenë raste të rënda.
Teksa të gjithë i tremben Coronavirusit, 4 persona preken nga “gripi i derrit” në Berat
