Detaje të reja janë zbuluar nga ekzekutimi i Kastriot Reçit në Rrëshen.
Sipas “Dosja.al”, snajperisti është një person me shumë eksperiencë dhe dyshohet se ka qenë pjesë e Gardës së Republikës.
Ai ka mundur të sigurojë armën e krimit, përmes të njohurve të tij.
Vrasjen ai e kreu në banesën e Armando Gjinit, në largësi mbi 250 m nga vend ii ngjarjes.
Gjini u ekzekutua më 12 gusht në sy të fëmijëve të mitur në Rrëshën.
Për vrasjen u akuzua KastriotReçi, por kjo nuk u faktua kurrë.
Autori i vrasjes së Reçit, zbarkoi të martën në Rrëshen rreth orës 07:00
Pasi u nda me mikun e tij, ai u maskua si femër dhe hipi në ndërtesën, nga ku kreu krimin.
Snajperisti priti sa u larguan vëllai, dhe një grua me fëmijë, për ta qëlluar me plumb në zemër, duke i shkaktuar kështu vdekjen.
Banorët e zonës shprehen se Reçi i druhej një atentati, prandaj ulej gjithmonë në cep të lokalit, larg dritareve.
Autori ndërkohë qëlloi nga dritarja e tualetit të banesës së Armando Gjinit, duke hapur vetëm pak grilën, për të mos rënë në sy.
Pas ekzekutimit, ai hodhi snajperin prapa pallatit dhe pasi eci disa metra në këmbë, u fut në makinën ku e priste miku i tij dhe u larguar drejt aksit “Rrëshen-Burrel”.
Dosja kryesore ku po heton policia është ajo e hakmarrjes.
Hetuesit dyshojnë se vrasja e Reçit është hakmarrje për eleminimin e Armando Gjinit, i cili ishte një nga ushtarët e Met Kananit, i arrestuar tëshmë.
Ky grup bënte shkëmbimin e kanabisit me heroinë në Turqi
