Media prestigjioze amerikane, CNN, ka deklaruar një tjetër version në lidhje me vdekshmërinë nga Covid-19 në Federatën ruse, ndryshe nga ajo që sipas tyre tregon propaganda e Kremlinit.
Sipas CNN, realiteti në Rusi për shkak të pandemisë, është krejt ndryshe nga çfarë shitet në agjensitë e mediave ruse.
Bëhet me dije se Rusia sapo ka kthyer arenën sportive, Krylatskoe ose Pallati i Akullt, në një spital ku mund të shtrohen pacientët të infektuar me COVID-19.
Krylatskoe është pajisur me 1300 shtretër spitalorë së bashku me bombola oksigjeni. Në Pallatin e Akullt, po trajtohen aktualisht 600 persona të cilët kanë rezultuar pozitivë me koronavirus.
Po ashtu prej disa kohësh presidenti rus Vladimir Putin, ka deklaruar se Rusia e ka gati vaksinën anti-Covid Sputnik-V.
Mirëpo cila është e vërteta e situatës me menaxhimin e pandemisë Covid-19 nga shteti rus?
Shumë dëshmitarë kanë folur për investigimin e CNN, i cili ka dëshmuar se situata nuk është fare ashtu si paraqitet, por në të vërtetë është kaotike.
Burimet për CNN, kanë bërë me dije se njerëzit në spitale tregojnë se po shohin trupa të pajetë të cilët varen nga krevati çdo ditë. Sipas rrëfimeve, dëshmitarët shprehen se: “Netët brenda në spital janë të frikshme, të gjithë pacientët janë në panik”.
Dëshmitarët kanë treguar se qeveria po i mbledh të gjithë njerëzit në morgje dhe po i hedh sipër njëri-tjetrit.
CNN, tregon se shifrat e dhëna nga shteti nuk janë aspak reale. Ata mendojnë se që prej fillimit të pandemisë ka raportime se kanë humbur jetën më shumë se 170 mijë persona.
Ndërkohë, qeveria ruse ka deklaruar se zyrtarisht kanë vdekur vetëm 33 mijë persona.
CNN, ka kërkuar për informacion tek Ministri i Shëndetësisë rus, Mikhail Murashko, rreth shifrave reale, por nuk ka marrë asnjë përgjigje nga ministri dhe administrata e tij.
Media prestigjioze amerikane, pretendon se fshehja e shifrave reale të shifrave të të vdekurve nga pandemia, është një mënyre propagande nga vendi ish qendra komuniste e ish-Bashkimit Sovjetik./GazetaReforma.com/
