Ditën e sotme janë kryer 11 487 vaksinime për Covid-19 në të gjithë vendin. Shifrën e ka bërë të ditur ministrja e Shëndetësisë, Ogerta Manastirliu e cila ka thënë se është kaluar targeti i vendosur për 10 mijë vaksinime në ditë. Manastirliu bëri me dije se procesi i vaksinimit do të vijojë me mësuesit dhe personat mbi 70 vjeç e për këtë do të ketë mbështetje nga mjekët e infermierët e Forcave të Armatosura.
“Në jemi në përfundim të ditës së parë të vaksiminit maisv. Në të gjithë procesin e zhvilluar rregullisht është kryer një proces i rregullt. Në të gjithë Shqipërinë ka vijuar vaksinimi. Sot jo vetëm që e kemi arritur targetin që kemi vendosur 10 mijë vaksinime por e kemi superuar atë. Kemi arritur në 11 487 të vaksinuar. Në total kemi kryer mbi 78 mijë vaksinime. Do të vijojmë me intensifikimin e procesit të vaksinimit. Do të vijojmë me vaksinimet e mësueve por edhe atë masiv të grupmoshës mbi 70 vjeç. Do të vijojmë të kemi një mbështetje nga mjekët dhe infermierët e FA,” ka thënë Manastirliu.
Më tej ajo ka deklaruar se mjeku i familjes do të njoftojë për datën dhe vendin e orën e vaksinimit sipas grupmoshave të caktuara.
“Mjeku i familjes do t’ju njoftojë për datën, vendin dhe orën e vaksinimit. Është vetëm mjeku i familjes ai që ka regjistrin elektronik dhe nëpërmjet regjistrin elektronik nxjerr dhe të gjithë listën e personave që i përkasin fashave të përcaktuara, sipas grupmoshës për vaksinim”,tha ministrja.
https://www.facebook.com/OgertaManastirliu/videos/3971942476201790/
