Kreu i Urgjencës Kombëtare, Skënder Brataj ka folur në lidhje me vaksinat kineze që do të vijnë në Shqipëri. I pyetur nëse do të vijnë 300 mijë doza të vaksinës së Sinovac nga Turqia, Brataj ka thënë se nuk e di numrin, por nuk është e thënë që të vijnë të gjitha përnjëherë. Brataj ka thënë se është optimist që me ardhjen e vaksinave të tjera gjërat ndryshojnë.
“Ajo do të jetë vaksina kinezes e prodhuar nga Cinovax, numrin nuk e di. Është vaksinim masiv, por nuk është e thënë se do të vijnë nesër përnjëherë. Si Pfizer, siç do të vijë çdo javë, Astrazenca po ashtu do të vazhdojë sipas programit. Dhe Sputnik V që erdhi si dhuratë. Kemi njoftime që ka marrëveshje dhe tratativa me prodhues të autorizuara, por se sa nuk e di. Jam optimist që për faktin e ardhjes se vaksinave të tjera, ja si ndryshojnë gjërat për fatin e mirë. Kur po bëjmë debat edhe në rrjet, ku shumë njerëz thonë; ça na mbushni mendjen kur si keni vaksinat ende. Ndoshta duhet më shumë informacion. Njerëzit duhet të dinë se çfarë do të bëjnë. Nëse ke pasur alergji të tjera, duhet një kohë më e gjatë observimi nëse e bën atë.”– ka thënë kreu i Urgjencës.
