SPAK ka arrestuar para dy ditësh dhjetëra efektivë policie të Kosovës dhe Shqipërisë, pasi akuzohen për korrupsion
Gjykata e Posaçme lë në fuqi kërkesën e SPAK për efektivët e policisë kufitare Morinë. GJKKO cakton arrest me burg për 17 efektivë, 14 arrest shtëpie dhe 3 pezullim nga detyre.
3 prej të hetuarve janë qytetarë të thjeshtë. Pezullohet nga detyra Avni Tershalla dhe Sule Onuzi
Lihet në arrest shtëpie Atli Jashari, Xhaferr Elezi, pezullohet nga detyra Fran Kacorri, Arta Rredhaj, Sazan Ibra, Mimoza Shahinaj, Rezarta Lako, Xhuljana Maksutaj, Shpëtim Cenaj, Dashnor Braha, Elidjana Toçilla, Endrit Uka, Gëzim Duraku, Haqif Halilaj
Burg për Laert Sulon, Ani Haxhollin, Emilton Asllanajn, Halim Shehun, Arben Kastratin, Arjan Sokolin, Fatri Iseberin, Fatri Brahan, Kapllan Dogjanin, Muhamet Cengun, Urim Lamin, Vehbi Nergutin, Bedri Durakun, Arben Goçin, Reni Dokollin.
Ndërkohë janë publikuar përgjime që kanë fundosur efektivët e policisë në pikën e kalimit kufitar në Morinë, të arrestuar për shpërdorim detyre dhe korrupsion. Në bisedat telefonike të përgjuara flitet për shuma parash në këmbimit të kalimit në kufi, ndërsa dy prej tyre duket se bashkëpunojnë me njëri-tjetrin dhe paratë i ndajnë bashkë. Në një prej episodeve të përgjuara dy efektivët Halim Shehu dhe Fatri Iseberi flasin me njëri tjetrin për shumat e kërkuara dhe ndarjen e lekëve, duke shprehur besim maksimal tek kolegët se do t’ua mbarojnë punët.
