Fluturimi i kompanisë Ryanair, i planifikuar të nisej nga Aeroporti i Rinasit sot në orën 09:20, është shtyrë për në orën 11:00, pa asnjë njoftim paraprak për pasagjerët.
Ata kanë mbetur në sallën e pritjes, pa informacion të qartë mbi situatën, çka ka shkaktuar pakënaqësi dhe irritim mes pasagjerëve. Disa prej tyre kanë ndarë shqetësimet e tyre edhe në rrjetet sociale.
Vonesat e përsëritura në fluturimet e Ryanair nga Rinasi janë kthyer në një problem të vazhdueshëm, ndërsa kompania ende nuk ka dhënë asnjë shpjegim zyrtar për këtë vonesë.
