Situata në Ukrainë është përkeqsuar, ku edhe bilanci i viktimave është rënduar, ku raportohet se deri më tani janë vrarë rreth 40 ushtarë dhe 10 civilë , mes të pushtimit të Rusisë.
Më tej ndihmësi i Zelenskyy, shtoi se dhjetëra qytetarë janë plagosur, ndërsa nuk ka dhënë më shumë detaje.
Sakaq më herët presidenti ukrainas, njoftoi se Ukraina ka ndërprerë zyrtarisht marrëdhëniet diplomatike me Rusinë.
Vladimir Putin e urdhëroi në orën 5:55 të mëngjesit me orën e Moskës nisjen e mësymjes në Ukrainë, dhe granatat e raketat e para u lëshuan vetëm disa minuta më vonë. Sirenat e emergjencës gjëmuan në kryeqytetin ukrainas, Kiev.
Të tmerruar, njerëzit kanë nxituar të largohen prej andej. Një numër i madh makinash janë parë nëpër rrugë, teksa paniku i ka përfshirë banorët e Kievit.
Ata që nuk janë larguar, iu drejtuan me nxitim bodrumeve, ndërsa stacionet e metrosë së Kievit gjithashtu raportohet se po kthehen në bunkerë të improvizuar. Dëshmitarë okularë i kanë thënë CNN se stacionet se metrove janë mbushur me njerëz, që kanë marrë sasi të mëdha ushqimi me vete. “Stacionet janë plotë, “, tha një qytetar i Kievit. Dëshpërimi ka pushtuar banorët edhe në zona të tjera si qyteti Chuguev, ku bombardimet ruse kanë shkatërruar shtëpi e një trup i pajetë dergjet në rrugë i mbuluar me batanije.
