Rusia njoftoi për dëbimin e 38 diplomatëve nga dy shtete të Bashkimit Evropian, në kundërpërgjigje të hapave të ngjashëm të ndërmarra ndaj diplomatëve rusë, për shkak të pushtimit të paprovokuar të Ukrainës nga Kremlini.
Ministria e Jashtme ruse tha përmes një deklarate më 19 prill se ka shpallur 21 diplomatë nga Belgjika dhe 15 nga Holanda si “persona non grata” (persona të padëshiruar), dhe u ka dhënë dy javë afat që të largohen nga shteti.
Ministria po ashtu tha se ka thirrur në bisedë ambasadorin e Luksemburgut në Moskë, për ta paralajmëruar atë se Rusia mund të marrë vendim për masa reciproke, pasi ky shtet evropian së fundmi ka dëbuar diplomatë rusë.
Shtetet evropiane kanë dëbuar mbi 300 diplomatë rusë qëkur Moska nisi pushtimin e Ukrainës më 24 shkurt.
Rusia është kundërpërgjigjur javën e fundit duke dëbuar diplomatë të Republikës Çeke, Bullgarisë dhe të Bashkimit Evropian, si dhe diplomatë belgë dhe holandezë.
Kujtojmë se Ukraina ka pranuar 76 robër lufte ukrainas në një shkëmbim me Rusinë, ka konfirmuar zëvendëskryeministrja vendit.
Iryna Vereshchuk tha se Rusia i kishte dorëzuar Ukrainës 60 ushtarë dhe 16 civilë gjatë shkëmbimit.
“Ky ishte shkëmbimi i pestë i robërve të luftës. Gjithsej 76 persona,” tha Vereshchuk në një deklaratë.
Shkëmbimi përfshinte 10 oficerë të forcave ushtarake ukrainase./ REL
