Mbrëmjen e sotme Presidenti i Bjellorusisë Aleksandër Lukashenko duket se ka zbuluar pa dashje planin e Putin për të pushtuar Moldavinë.
Ndihmësi i Putinit në luftën me Ukrainën, iu drejtua sot zyrtarëve të sigurisë ndërsa qëndronte përpara një hartë beteje që duket se tregon një operacion të planifikuar nga Ukraina jugore drejt fqinjit të saj të vogël.
Harta tregoi gjithashtu planet e propozuara të betejës për trupat ruse në të gjithë vendin.
Ai detajonte linjat ruse të sulmit drejt Ukrainës, disa prej të cilave janë materializuar në ditët e para të pushtimit – të tilla si forcat që sulmuan drejt Kievit nga veriu dhe drejt Khersonit nga Krimea.
Por ai tregoi gjithashtu disa sulme që ende nuk kanë ndodhur – ku njëri prej tyre duket se ishte drejt qytetit port të Odessës në Moldavi. Kjo ka krijuar idenë se Rusia po planifikon të marshojë trupa në fqinjin e Ukrainës.
Ndërkohë kujtojmë se gjithashtu mbrëmjen e sotme ka ndodhur një sulm i ri ushtarak në Kharkiv, Ukrainë, i cili ka goditur një kompleks apartamentesh pranë një spitali, sipas videove që janë gjetur dhe verifikuar nga CNN.
Shpërthimi pranë spitalit vjen disa orë pasi një sulm ushtarak shkaktoi dëme të konsiderueshme në ndërtesën e administratës rajonale të Kharkiv.
