Sulmet ruse vazhdojnë në Ukrainë, ku shënjestra e radhës ka qenë një shkollë në rajonin e Luhansk ku ishin strehuar 90 persona.
Ndërkohë që si pasojë e sulmit ajror dyshohet se gjashtëdhjetë persona dyshohet kanë vdekur. Serhiy Hayday, kreu i Administratës Ushtarake Rajonale të Luhanskut, tha se 30 persona të strehuar në shkollë ishin shpëtuar, nga të cilët shtatë u plagosën, sipas cnn.
Trupat e dy personave u gjetën në rrënoja, tha Hayday në një postim në Telegram të dielën. Gjithashtu shtoi se “ka mundësi që të gjithë 60 personat e mbetur nën rrënojat e ndërtesës të jenë vrarë”.
Një avion rus kishte hedhur një bombë në shkollën në fshatin Bilohorivka, e cila është rreth shtatë milje larg vijës së frontit, sipas Hayday. Sulmi goditi rreth orës 16:37 me kohën lokale të së shtunës, duke shkaktuar zjarre që u deshën pothuajse katër orë për t’u shuar, tha ai.
Presidenti ukrainas, Volodymyr Zelensky, i ka bërë thirrje Bashkimit Evropian që t’i ofrojë Ukrainës anëtarësim në këtë bllok, meqë sipas tij, ky veprim do të përbënte “përgjigje të fuqishme” ndaj pushtimit të paprovokuar rus. Presidenti rus, Vladimir Putin, ka urdhëruar pushtimin e Ukrainës më 24 shkurt, teksa tenton të rrisë ndikimin në vendet e ish-Bashkimit Sovjetik, duke përfshirë Ukrainën.
