Menjëherë pas përfundimit të mbledhjes së grupeve parlamentare, deputetja Rudina Hajdari deklaroi se nuk është dakord me shkarkimin në mënyrë të përshpejtuar të presidentit Meta.
Ajo tha se një vendim i tillë nuk duhet të ndërmerret në një kohë kur situata politike në Shqipëri është e tensionuar. Sipas Hajdarit, ky është një konflikt personal mes Ramës e Metës.
Hajdari shton se duhet të pritet ndërtimi i Gjykatës Kushtetuese në mënyrë që të mos ketë përsëritje të procesit.
“Do të shohim si do të vazhdojmë në hapat në vijim. Ky duket si një konflikt personal midis Ramës dhe Metës. Ne nuk kemi pse e nisim diçka dhe e lëmë përgjysmë. Do të presim deri në ndërtimin e Gjykatës Kushtetuese për të dhënë qendrimin tonë.
Komisioni Hetimor duhet të shtyhet dhe të vendoset në një mment të dytë me ngritjëen e Gjykatës Kushtetuese që të mos merren vendime që mund të përsëriten. Këkrkesa për shkarkimin e Metës është pasojë e një konflikti personal midis tij dhe Ramës”, tha deputetja.
