Rritja e rasteve me koronavirus në vendin tonë, po sjell jo vetëm pasoja në shëndetin e njerëzve, por edhe në ekonomi dhe në sektorë të tjerë.
Pasojat po prekin edhe selitë diplomatike në vend, nga zyrat konsullore të të cilëve mbajnë sytë shumë shqiptarë që duan të largohen nga vendi.
Një lajm jo të mirë ka dhënë sot edhe Ambasada Gjermane në Tiranë, autoritete e të cilës njoftuan se nga dita e sotme, është mbyllur Zyra e Vizave dhe Pasaportave, për shkak të situatës së krijuar nga pandemia e covid-19.
Përmes një mesazhi në ‘Facebook’, ambasada i’u drejtohet të gjithë qytetarëve që preken nga mbyllja e kësaj zyre, se do të marrin një datë të re aplikimi në momentin më të parë të mundshëm.
Mesazhi i ambasadës gjermane:
“Informacion i rëndësishëm +++
Prejt ditës së sotme, 18.11.2020, nisur nga gjendja aktuale Zyra e Vizave dhe e Pashaportave të Ambasadës Gjermane në Tiranë është e mbyllur për arsye parandaluese. Personat e prekur nga mbyllja e zyrës do të marrin në momentin më të parë të mundshëm një datë/orë të re aplikimi.
Ne do të informojmë përmes faqes së internetit apo Faceboouk-ut sapo zyra të rinisë veprimtarinë e saj. Lutemi për mirëkuptimin tuaj.
Në raste urgjente konsullore mund të na kontaktoni përmes numrit të shërbimit të gatshëm. Lutemi për mirëkuptimin tuaj që përmes këtij numri nuk mund të japim informacione rreth datave të aplikimit apo procedurave për vizë”.
/GazetaReforma.com/
