Edhe në Maqedoninë e Veriut vjeshta ka sjellë një valë të dytë infektimesh, pasi çdo ditë rritet numri i të prekurve dhe viktimave nga Covid-19.
Për këtë arsye është vendosur që të gjitha ndeshjet e parashikuara për t’u luajtur këtë fundjavë do të shtyhen pë javën tjetër. Sektori i garave në Federatën e Futbollit të Maqedonisë së Veriut ka vendosur që liga e parë dhe e dytë janë shtyrë për fundjavën e ardhshme, për shkak të ndryshimeve të Protokollit të ri që përcakton masat mbrojtëse nga COVID-19.
Takimet e javës së 11-të (LIGA 1) dhe të javës së 10-të (LIGA 2) do të luhen respektivisht në datat 7 dhe 8 nëntori.
Ndërkohë ditën e djeshme autoritetete shëndetësore njoftuan se janë regjistruar 862 raste të reja me Covid-19, dhe kanë humbur jetën 14 pacientë ndërsa 223 të tjerë janë të shëruar.
Që nga fillimi i pandemisë me koronavirus në Maqedoninë Veriore janë konfirmuar gjithsej 29.558 raste, prej tyre 19.994 janë të shëruar, 8.587 janë raste aktive, ndërsa betejën me sëmundjen e rrezikshme e kanë humbur 977 persona.
