Ditën e sotme ka reaguar në lidhje me rritjen e çmimit të karburanteve në vend, sekretari i Përgjithshëm i Partisë së Lirisë, Tedi Blushi. Cmimi i naftës i vendosur nga bordi i Transparencës shënoi 245 lekë për litër, ndërkohë që sipas Blushit qeveria po ua hedh barrën e krizës qytetarëve. Blushi u shpreh se Shqipëria, vendi më i varfër i kontinentit, ka aktualisht çmimin më të shtrenjtë krahasuar me pesë shtetet që kanë pagën minimale më të lartë në të gjithë Europën.
REAGIMI I BLUSHIT
Bordi Hajdut vendosi të rritë përsëri çmimin e naftës në 245 lekë/litër.
Shqipëria, vendi më i varfër i kontinentit, ka aktualisht çmimin më të shtrenjtë krahasuar me pesë shtetet që kanë pagën minimale më të lartë në të gjithë Europën.
Kjo është zhvatje, asgjë tjetër!
Sa herë të ndaleni në çdo pikë karburanti, aty ju pret Edi Rama me të gjithë oligarkët e tij të naftës, që futin duart në xhepin tuaj për t’ju vjedhur pa mëshirë!
KRAHASIMI FLET QARTË:
🇦🇱 SHQIPËRI
Paga minimale 291 euro/muaj
Çmimi i naftës 2.1 euro/litër
🇱🇺 LUKSEMBURG
– Paga minimale 2,202 euro/muaj
– Çmimi i naftës 1,83 euro/litër
🇩🇪 GJERMANI
– Paga minimale 1,976 euro/muaj
– Çmimi i naftës 2,0 euro/litër
🇮🇪 IRLANDË
– Paga minimale 1,775 euro/muaj
– Çmimi i naftës 1,87 euro/litër
🇳🇱 HOLLANDË
– Paga minimale 1,701 euro/muaj
– Çmimi i naftës 1,94 euro/litër
🇫🇷 FRANCË
– Paga minimale 1,645 euro/muaj
– Çmimi i naftës 1,69 euro/litër
