Që nga fillimi i epidemisë deri më tani, në vendin tonë kanë ndërruar jetë 21 persona nga COVID-19.
“Neës24” raporton, se në minutat e fundit ka ndërruar jetë te Infektivi një 90-vjeçar, duke e çuar numrin e përgjithshëm në 22.
Mësohet se trupi ka 20 minuta që është transportuar drejt morgut të spitalit.
Rasti ndërkohë ende nuk është konfirmuar nga Ministria e Shëndetësisë.
Deri më tani, bilanci zyrtar i COVID-19 është 377 të prekur, nga të cilët 21 viktima dhe 106 të shëruar.
Në spitalin Infektiv aktualisht ndodhen 66 pacientë, 5 prej të cilëve në terapi intensive.
Kurse në spitalin COVID2 ndodhen 7 pacientë, 6 prej të cilëve në terapi intensive.
Gjatë 24 orëve të fundit janë shëruar 12 persona duke e çuar numrin në 116.
Vihet re një shtim i rasteve në Tiranë, Shkodër dhe Has, si pasojë e mosrespektimit të distancimit social.
Duhet theksuar se numri i të prekurve ka zbritur ndjeshëm nga një javë më parë.
Ekspertët janë shprehur se këtë javë do të bien rastet, pasi java e kaluar ishte piku i epidemisë.
