Ka shkuar në 9 numri i të prekurve nga COVID-19.
Mësohet se së fundmi kanë rezultuar pozitiv edhe 3 infermierë të urgjencës së Kukësit.
Përgjigjet e analizave dolën gjatë mbrëmjes së djeshme.
Ndërkohë 30 tamponë të tjerë të marrë në këtë qytet, dolën negativ.
Aktualisht në urgjencën e spitalit po shërbejnë infermierët e pavionëve, pasi ata që shërbenin më parë janë karantinuar.
Ditën e djeshme u shënuan 19 raste të reja me COVID-19, duke e çuar numrin në 494.
Në mesin e tyre numërohen 25 viktima dhe 251 të shëruar.
Në shërbimin infektiv aktualisht janë 39 të shtruar, ku 5 janë në terapi intensive.
Ndërsa në spitalin COVID 2 “Shefqet Ndroqi”, janë 9 pacientë të shtruar. 7 në terapi intensive, ndërsa 4 prej tyre janë të intubuar.
