Coronavirusi vijon të përparojë në Europë, teksa në Greqi ka shkuar në 7 numri i të infektuarve.
Së fundmi janë shënuar 3 raste të reja: bëhet fjalë për dy burra dhe një grua të cilët kishin ardhur nga Italia.
Të gjithë pacientët janë duke u trajtuar në spitalet e Athinës dhe qytetin verior grek, të Selanikut.
Kujtojmë se në të dyja qytetet janë mbyllur disa shkolla ndërsa njerëzit po vrapojnë drejt supermarketeve nga frika se virusi do të përhapet edhe më tej, duke kanë marrë masa paraprake nëse do të jetë e nevojshme të izolohen.
Dy ditë më parë u aludua për një shqiptar të prekur me Coronavirus në Greqi, i cili ndërroi jetë rrugës për në spital, por pas ekspertizës rezultoi me encefaliti të rëndë.
Dyshohej se ishte prekur nga Coronavirusi, shqiptari në Greqi humb jetën rrugës për në spital
Nga ana tjetër, shteti shqiptar ka shtuar masat në pikën kufitare të Kapshticës dhe Kakavijës.
Përgjatë 24 orëve në doganë qëndron një staf mjekësor me 2 mjekë dhe 3 infermierë, i cili bën kontrollimin e çdo udhëtari që hyn në Shqipëri.
Në spitalin e Bilishtit është përshtatur një ambient që do të funksionojë si karantinë e përkohshme në rast se mjekët hasin në persona me simptoma, ndonëse deri tani situata paraqitet normale.
Coronavirusi në Greqi. Mjekët shqiptarë ‘zbarkojnë’ në Kakavijë dhe Kapshticë, 24 orë kontrolle
Ndërkohë, situata më shqetësuese vijon të mbetet në Itali, ku numri i viktimave ka shkuar në 29 dhe numri i të prekurve ka kaluar mbi 1 mijë.
Virusi vdekjeprurës, që shpërtheu në Kinë, në fund të muajit dhjetor, është përhapur deri më tani në të gjitha kontinentet, duke prekur 64 shtete, duke lënë të vdekur 2980 persona dhe duke infektuar 86 985 të tjerë në mbarë botën
