IKSHPK ka publikuar të dhënat e 24 orëve të fundit lidhur me pandeminë e COVID-19. Kosova ka regjistruar një rritje të rasteve të reja me koronavirus. Ditën e sotme janë shënuar 71 të infektuar ndërkohë që një ditë më parë kishte veç 40 raste. Nga ana tjetër 2 pacientë, nga Mitrovica dhe Podujeva kanë humbur jetën nga COVID-19.
Lajmi i mirë është se 173 pacientë kanë fituar betejën me virusin.
Njoftimi nga IKSHPK
173 TË SHËRUAR DHE 71 RASTE ME COVID-19!
Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, si dhe laboratoret publike dhe private me metodën RAT, janë testuar gjithsej 3.377 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 71 raste pozitive.
Brenda 24 orëve janë raportuar 2 raste të vdekjes me SARS CoV-2 pozitiv. Rastet e vdekjes janë nga komunat: Mitrovicë 1 rast (81 vjeç), Podujevë 1 rast (59 vjeç).
Numri total i rasteve pozitive është 106.914 raste nga 568.984 persona të dyshimtë në virusin SARS-CoV-2 dhe 2.225 raste të vdekjes.
Gjatë 24 orëve të fundit, janë shëruar 173 pacientë derisa numri i përgjithshëm i të shëruarve deri më sot është gjithsej 99.628 raste, kurse numri i rasteve aktive është 5.061.
Rastet pozitive janë nga komunat: Prishtinë 25 raste, Gjilan 9 raste, Mitrovicë 7 raste, Ferizaj 5 raste, Istog 3 raste, Obiliq 3 raste, Pejë 3 raste, Fushë-Kosovë 2 raste, Gjakovë 2 raste, Klinë 2 raste, Podujevë 2 raste, Skenderaj 2 raste dhe me nga një rast komunat Drenas, Kamenicë, Lipjan, Prizren, Rahovec dhe Suharekë.
Mbuloni gojën dhe hundën me maskë!
Mbani higjienën!
Respektoni distancën!
Pezullohet marrëveshja me Minskun, bjellorusët nuk hyjnë dot më në Shqipëri pa viza
Qeveria shqiptare ka vendosur të rivendosë regjimin e vizave me Bjellorusinë, pas një periudhe 6-vjeçare që pason firmosjen e marrëveshjes...