Autoritetet greke kanë vendosur nga sot në izolim qytetin e Kozanit. Masa do të jetë në fuqi për 14 ditë.
Që nga sot mbajtja e maskës do të jetë e detyrueshme në ambiente të brendshme si dhe të jashtme , Pezullohet çdo aktivitet social, festiv, mbledhje pune. Nuk funksionojnë gjykatat, hipotekat, njësitë administrative do të punojnë vetën online , mbyllen dyqanet, parukeritë, qendrat e argëtimit dhe zonat arkeologjike,.
Shkollat do të mbeten të hapura me kushtin që si nxënësit ashtu dhe mësuesit të mbajnë maska.
Vendimi i qeverisë greke erdhi pas rritjes së rasteve të të infektuarve me covid -19 në zonë. Në këtë qytet aktualisht ka 227 raste aktive me koronavirus të cilët kanë pasur kontakt me 554 persona. Vetëm të enjten qyteti raportoi 22 raste të reja me covid-19.
/GazetaReforma.com/
