Kryemnistri Edi Rama, në një dalje publike për mediat sot, tregoi se pagat për mjekët dhe infermierët do të rriten me 40%, ndërsa për mësuesit në sistemin e arsimit parauniversitar, do pësojnë një rritje prej 15%. Këto masa si dhe rritja e pagës minimale do të hujnë në fuqi duke filluar nga 1 janari i vitit 2021.
Rama gjithashtu u shpreh se për një numër më të vogël punonjësish se në vitin 2013, fondi i pagave është rritur nga 450 mln dollarë në 2013, në 710 mln dollarë që është sot.
Në konferencë ishte e pranishme dhe Ministrja e Financave, Anila Denaj. Ajo dha një shembull se si do të shkojnë pagat mesatare të këtyre kategorive pas rritjes. “Në nivelin mesatar, paga e një mjeku është 57.000 lekë. Me një rritje prej 40%, ajo shkon në 79.800 lekë. Paga mesatare e infermierëve është 37.000 lekë, me një rritje prej 40% shkon në 51.810. Në sistemin arsimor, kemi një pagë mesatare prej 65.800 lekë, që bashkë me rritjen, shkon në 72.100 lekë.”
Këto ndryshime për pagat do të hyjnë në fuqi nga 1 janari i vitit 2021.
/GazetaReforma.com/
