Gazetari Ervin Koçi ka denoncuar mbrëmjen e djeshme nëpërmjet rrjetit social Facebook se është dhunuar dhe kërcënuar me jetë në derën e shtëpisë së tij,madje edhe në sy të anëtarëve të familjes, e fëmijës së tij.
Në këtë postim, ai ka shtuar edhe disa foto, ku duket qartë dhuna që është ushtruar ndaj tij.
Sipas gazetarit, kjo ka ndodhur pas një denoncimi të bërë në polici, e ndërsa e ka akuzuar policinë për neglizhencë dhe mungesë profesionalizmi.
Koçi në fund të shkrimit të tij përmend edhe kryeministrin Rama dhe ministrin e Brendshëm Sandër Lleshaj, ku shprehet se i paguan të gjitha taksat, e përse, për të vdekur para shtëpisë së tij.
Gazetari madje e di se kush e ka dhunuar dhe thotë se ai është një psikopat që lëviz lirshëm me 5 makina që bën biznes e ndërtime pa leje.
Postimi i plotë i Ervin Koçit
Te dashur miq! Desha te ndaj kete taksirat qe me ndodhi sot, me ju… Nuk e bej per publicitet apo per te perfituar azil, por per tju thene se ne çfare shtet MUTI qe jetojme!!! Me kishin kercenuar dhe shantazhuar edhe me pare, dhe i kisha mbyllur hallet fale ca miqve te mire qe kam, por asnjehere nuk me kishte ndodhur qe te tentonin te me vrisnin diten per diell para syve te familjes dhe femijes tim! Po po!
Nje bastard psikopat qe edhe pse me depresion dhe ilaçe, ku duhet te mbahej i lidhur, leviz jo vetem lirshem dhe me 5 makina, ben biznes, madje edhe ndertim paleje, por kur ti orvatesh te kerkosh ndihmen e shtetit, te kercenon, fyen dhe ofendon ne sy te familjes, e madje tenton te te vrase! E kur s’ja arrin dot te le edhe 24 ore qe te zhdukesh nga shtepia jote, se do jesh i vdekur!
Po me e bukura eshte kur therret Policine (qe nuk do)… keta jo vetem qe te qesendisin kur mesojne se je gazetar, por edhe te sugjerojne “zgjidhe me konsensus” me ate qe disa minuta me pare tentoi te te hapte trute! E kur ti u kerkon te ndalin agresorin, ty te tundin prangat, te shoqerojne ne komisarjat me makine policie, ndersa vrasesit (ne tentative) i thone te vije me nje motor, sipas deshires…. O Edi Rama, o Sander Lleshi, edhe sa duhet tju paguaj me taksat e mia dhe me buken e femijes tim, para se te vdes para deres se shtepise time???!!!
