Kolegji Zgjedhor ka pranuar padinë e Partisë Socialiste për listat e PD-së, duke shfuqizuar kështu vendimin e KAS. Me këtë vendim, tashmë koalicioni opozitar PD-An përfundon me 153 kandidatë në zgjedhje.
Në seancën e mbajtur sot përfaqësuesi ligjor i Partisë Socialiste në KQZ, Eridian Salianji u shpreh se kandidimi me shumë kandidatë prish sistemin. Po ashtu ai u shpreh se numri i lartë i kandidatëve do të ndikonte në fletën e votimit, konfigurimi i së cilës duhet të jetë i qartë.
“Koalicioni i PD ka sjellë 222 emra. KQZ i pranoi 153 emra, me vendim të Komisionerit Celibashi. KAS pranoi kërkesën e PD për të regjistruar të gjithë kandidatët. Ne e kundërshtojmë. Palët nuk kanë mundësi të barabartë. Kjo sjell probleme me fletën e votimit por edhe me votën parapëlqyese. Fleta e votimit do të ngarkohet dhe do të bëhet e vështirë të kalohet herësi nga ata që janë në pjesën e poshtme të listës. PD e ka taktikë elektorale të mos thyet renditja nga asnjë”, ka thënë Salianji.
Kujtojmë se ankimimi erdhi pasi Komisioni i Ankimimeve dhe Sanksioneve mbështeti kërkesën e PD-së, e cila kundërshtonte vendimin e komisionerit shtetëror të zgjedhjeve që reduktoi listën e kandidatëve për deputetë nga 222 të propozuar, në 153.
Pjesë nga reagimi:
“Komisioneri Shtetëror për Zgjedhjet vendosi që t’i miratojë ato listat PD, jo me numër 222, por me numrin që parashikon Kodi Zgjedhor. Vendimi u ankimua nga PD ne KAS. KAS e pranoi kërkesën. Ne e kundërshtojmë këtë vendim. Numri i lartë kandidateve sjell problematika ne hartimin e fletës së votimit. Konfigurimi i fletës duhet të jetë i qartë. Në Kukës psh, PD ka garuar 9 kandidatë. Këtu s’mund këtë vote parapëlqyese
Por kjo cenon parimin e listës së hapur. Interesi jone është te gara. Kandidimi i më shumë kandidatëve prish sistemin. Vendimi u ankimua në KAS, me argumentin se lista duhej pranuar e plotë. KAS duke lejuar që një koalicion të garojë me më shumë kandidatë se tjetri ka shkelur parimet e Kodit Zgjedhor. Numri i lartë sjell problematika në garë, por edhe në procesin zgjedhor. Cënohet parimi i listave të hapura. Kjo për shkak se lista pa nr fiks do sillte vështirësi në llogaritjen e herësit.”
