Një Aeroplan rus L-410 u rrëzua pranë një qyteti në rajonin e Tatarstanit të dielën, dhe të paktën 16 persona kanë mbetur të vrarë dhe janë plagosur shtatë të tjerë, tha agjencia e lajmeve RIA duke cituar shërbimet e urgjencës.
Sipas agjencisë së lajmeve TASS, aeroplani mbante një grup me parashutisë në bord, tha Ministria e Emergjencave. Shtatë persona u nxorën të gjallë nga rrënojat,shtuan ata më tej.
Avioni ishte një Let L-410 Turbolet, i cili është një aeroplan transporti me rreze të shkurtër me dy motorë.
Standardet ruse të sigurisë së aviacionit janë përmirësuar vitet e fundit, por aksidentet, veçanërisht duke përfshirë avionët e vjetër në rajonet e largëta, nuk janë të rralla.
Një aeroplan i vjetër Antonov An-26 u rrëzua në lidnej të Rusisë muajin e kaluar dhe si pasojë 6 persona humbën jetën. Të 28 personat në bordin e një turbopropi Antonov An-26 me dy motorë vdiqën në një aksident në Kamchatka në korrik.
Vendi gjithashtu përjeton shpesh incidente ajrore jo fatale që rezultojnë në fluturime të ridrejtuara dhe ulje emergjente, zakonisht që rrjedhin nga çështje teknike. Fluturimet në Rusi mund të jetë veçanërisht të rrezikshme në rajonet e izoluara të vendit të gjerë, të tilla si Arktiku dhe Lindja e Largët, ku kushtet e motit janë shpesh ekstreme.
