Një aeroplan i vogël u rrëzua në rajonin malor të Pinzgau, në Austri, duke shkaktuar vdekjen e katër personave që ndodheshin në bord.
Mjeti fluturues ishte nisur nga Oberschleissheim, pranë Mynihut në Gjermani, dhe humbi kontaktin me radarët pak para rrëzimit.
Sipas shërbimeve të emergjencës, rrëzimi ndodhi pranë rrugës rurale Gerlosstrasse B165, në një zonë të thellë dhe të vështirë për ndërhyrje, që lidh Oberpinzgau me Zillertal në Tirolin e Veriut.
Zjarrfikësit, të cilët u përballën me terren të ashpër dhe me flakët që kishin përfshirë mbeturinat e avionit dhe pyllin përreth, nuk gjetën asnjë të mbijetuar.
Zjarri është vënë nën kontroll, por autoritetet konfirmojnë se të gjitha trupat janë gjetur pa shenja jete.
Hetimet paraprake sugjerojnë se kontakti me avionin është humbur menjëherë pas fikjes së sistemit të trafikut ajror në bord. Shkaqet e rrëzimit mbeten ende për t’u përcaktuar.
