“Momente frike për Vittorio Sgarbin pasditen e djeshme në një plazh në bregdetin e Palasës, në jug të Shqipërisë, ku ishte mysafir”.
Kështu shkruan faqja e web-it të kritikut italian të artit dhe politikanit teksa publikon pamjet e aventurës së frikshme që ka zgjatur disa minuta.
Gjatë një zhytje në det, kritiku i njohur i artit, i zënë befas nga forca e valëve, papritmas u zhduk në valë, dhe pastaj u shfaq përsëri.
Ka qenë vajza e tij Alba dhe një roje shpëtimi nga vendpushimi, i cili me vështirësi e ndihmoi të arrinte në breg.
Veç protagonistit momente frike dhe për të afërmit dhe miqtë që e shoqëronin, ndërsa në incident Sgarbi humbi syzet e tij që nuk i heq kurrë. Me Sgarbin, përveç bashkëpunëtorëve të tij, ishte edhe kryetari i bashkisë së Vlorës, mjeku Dritan Leli.
https://www.youtube.com/watch?time_continue=1&v=P1MvnwV6IOk&feature=emb_title
