Policia Kufitare dhe Njësia Policore Detare në Himarë ndërhynë me shpejtësi për të shpëtuar një 23-vjeçar që ra nga mjeti lundrues Jet Ski dhe rrezikoi të mbytej. Incidenti ndodhi rreth orës 17:15, gjatë patrullimit të Policisë Kufitare në hapësirën detare pranë Porto Palermos.
Gjatë incidentit, një shtetas që lundronte me kanoe në afërsi të vendit ngjarjes, i erdhi në ndihmë 23-vjeçarit së bashku me Policinë Kufitare. Me veprime të koordinuara, mjeti lundrues i Policisë Kufitare dhe dy Jet Ski të Njësisë Policore Detare arritën të shpëtojnë të riun nga Fier, duke e nxjerrë në breg në gjendje të mirë shëndetësore.
Pas shpëtimit, 23-vjeçari falënderoi Policinë dhe qytetarin me kanoe për ndihmën e menjëhershme. Policia Kufitare gjithashtu nxori në mol mjetin lundrues Jet Ski të përdorur nga i riu.
