Rusët tashmë janë treguar tmerrësisht brutal në agresionin e tyre në Ukrainë.
Gjithsej 324 spitale janë dëmtuar dhe 24 janë shkatërruar gjatë pushtimit rus, sipas ministrisë së shëndetësisë të Ukrainës. Autoritetet po punojnë për planet për të rindërtuar disa spitale dhe për të kryer riparime. Tani për tani, disa zona duhet të mbështeten në spitalet e lëvizshme. Rusia ka pretenduar se nuk po synon infrastrukturën civile, por pamjet dhe raportet kanë treguar shkolla, spitale dhe ndërtesa banimi të shkatërruara.
Kujtojmë që lufta Rusi-Ukrainëpo regjistron shumë viktima, ndërsa problem po bëhet edhe një fakt, ai i birësimit të fëmijëve ukrainas dhe kjo në mënyrë të paligjshme.
Ekziston një rrezik në rritje që krimi i organizuar mund të përfitojë nga kaosi i krijuar nga lufta në Ukrainë. Prej muajsh, autoritetet europiane dhe ndërkombëtare e vënë theksin mbi tragjedinë e fëmijëve të humbur, të cilët rrezikojnë të përfundojnë në qarkun e trafikimit apo birësimeve të paligjshme.
Alarmi i fundit është lëshuar nga Ministria e Punëve të Jashtme të Ukrainës, e cila thotë: “Ka një kërcënim që qytetarët rusë të adoptojnë jetimë ukrainas në mënyrë të paligjshme, pa ndjekur të gjitha procedurat e përcaktuara nga ligji ukrainas”. Theksojmë se drama nuk ka të bëjë vetëm me fëmijët jetimë, por edhe fëmijët që prindërit i dërgojnë në vende të tjera të sigurta, por që më pas përfundojnë në qarkun e krimit të organizuar.
