Gjykata e Posaçme kundër Korrupsionit dhe Krimit të Organizuar, ka vendosur nën sekuestro pasurinë e Altin Hajrit.
Ky i fundit është një nga të kërkuarit kryesorë për rrëmbimin dhe vrasjen e Jan Prengës.
Në vendimin e gjykatës, thuhet se Hajrit i sekuestrohet kopleksi “Golden”, karburanti “ALT-OIL 2008” dhje një vilë dy katëshe në Shijak.
Mësohet se vendimi i ka mbërritur për ekzekutim, Agjencisë së Menaxhimit të Pronave dhe për njoftim Drejtorit të Përgjithshëm të Policisë.
Për banim, familjarët do të përdorin vetëm vilën ku banon pjesa tjetër e familjes, që nuk janë përfshirë në vrasjen dhe rrëmbimin e Prengës.
Pamjet filmike në garazhin e kompleksit “Golden”, tregojnë momentin kur trupi i Prengës zhvendoset nga një “Range Rover” i bardhë në një furgon, me qëllim për ta zhdukur.
Të arrestuarit e dritanishëm për këtë ngjarje kriminale janë Leonard Hajri, Bajram Hajri, Elton Hajri, Festim Bexhdili, Olsi Turja si dhe Ardian Docaj nga Shkodra.
