Dje u zbulua se familja e të shumëkërkuarit Ervis Martinaj ka denoncuar në polici se ka humbur kontaktet me djalin Ervisin. Kallëzimin e bëri xhaxhai i Ervisit, i cili u shpreh në policinë e Kurbinit se një i afërm i tyre nga Puka i ka njoftuar se nuk ka kontaktuar me Martinajn prej 3 ditësh. Familja sipas xhaxhait ka frikë se mund të jetë eleminuar nga kundërshtarët e tij. Gjithsesi ditën e djeshme Prokuroria e Kurbinit ishte e dyzuar se si do ta ndiqte çështjen si inskenim apo si një eleminim iMartinajt nga kundërshtarët mafjoz. Mësohet se organi i akuzës në Kurbin është duke hetuar për akuzën e rrëmbimit të personit, për të shumëkërkuarin Ervis Martinaj. Dyshimet për rrëmbim janë referuar nga Policia e Lezhës. Në këtë mënyrë prokuroria ka mundësi të kryejë veprime hetimore, pasi në rastin e një të shumëkërkuari nuk ka largim nga banesa.
Në rastin konkret policia veç kallëzimit të xhaxhait Faik Martinaj nuk ka prova të tjera në lidhje me ngjarjen. Kujtojmë se Ervis Martinaj është një ndër të shumëkërkuarit e drejtësisë shqiptare i cili është shpallur nga organet shqiptare edhe në kërkim ndërkombëtar. Kjo erdhi pas deklaratave të Nuredin Dumanit, i penduar i drejtësisë, i ciliu shpreh se Martinaj kishte paguar një shumë të majme për të eleminuar numrin 2 të bandës së Durrësit Indrit Doklen.