Ministria për Punët e Jashtme dhe Europën ka njoftuar qytetarët se prej 15 shtatorit, Austria do të aplikojë rregulla të reja pë rata që udhëtojnë atje. Të gjithë ata që janë të pavaksinuar mund të hyjnë në Austri, por duhet të karantinohen për 10 ditë. Karantina mund të ndërpritet pas 5 ditësh me një test negative.
Përjashtim nga ky rregull përbëjnë ata që udhëtojnë për qëllime biznesi, të miturit 12-18 vjeç që hyjnë në Austri nën mbikëqyrjen e personave të rritur plotësisht të vaksinuar dhe ata që hyjnë për arsye urgjente.
Njoftimi i MPEJ:
Të gjithë udhëtarët e pavaksinuar, mund të hyjnë në Austri, por:
duhet të regjistrohen paraprakisht në (Pre Travel Clearance English) 👉
https://entry.ptc.gv.at/en.html?fbclid=IwAR3D7H6LRKtjbPTchiS4YQTdgtP7yPPdPXKir_x35YTPHmpcy0yHoQ7VUAk,
të paraqesin një test negativ të COVID-19 dhe të qëndrojnë në karantinim të detyruar për 10 ditë në një hotel ose vendbanim, me shpenzimet e tyre. Karantina mund të përfundojë pas 5 ditësh me një test negativ.
Kategoritë që përjashtohen nga kërkesat për regjistrim dhe karantinë janë:
▪️ Ata që udhëtojnë për qëllime biznesi;
▪️ Forca humanitare;
▪️ Të miturit midis moshës 12 dhe 18 vjeç që hyjnë në Austri nën mbikëqyrjen e personave plotësisht të imunizuar;
▪️ Ata që hyjnë në vend për arsye të paparashikueshme, urgjente, familjare si (sëmundje të rënda, vdekje në familje, funerale, lindje), të cilat do të vlerësohen dhe merren parasysh si të tilla nga autoritetet përkatëse.
