Ka qenë tronditëse vdekja e 17-vjeçarit Q.Seiti nga koronavirusi në Sanatorium. Ai humbi betejën me sëmundjen vdekjeprurëse pasi ndodhej prej 4 ditësh në intubim. Ndërkohë, Alma Cani, shefja e reanimacionit në spitalin COVID-19 ka folur për ABC News për rastin e 17-vjeçari, duke e cilësuar atë si një nga më të vështirat.
Ajo ka thënë se i riu kishte mbërritur në spital me 100% të mushkërive të prekura nga virusi dhe se ardhja me vonesë në spital ishte një nga arsyet pse ai nuk mundi të mbijetonte.
“Trajtoheshin më tepër se dhjetë ditë në shtëpi. Fatkeqësisht djali erdhi në situatë të avancuar, rezultonte me analizat që bëmë dhe skanerin që tregonte se prekja e mushkërive ishte 100%. Nuk kishte mushkëri që të merrte frymë. Ndoshta dhe ardhja me vonese ishte pjesë e kësaj drame”.
Mjekja ka treguar e përlotur fjalët e fundit të adoleshentit duke thënë se i kanë mbetur në mendje të gjithëve.
“Megjithë përpjekjen që ne bëmë me shpirt, asistencat që u bënë në të gjitha drejtimet dhe ato fjalët e atij djali që më janë ngulitur mua dhe jo vetëm, por të gjithëve këtu: O teta më falni se ju lodha. E kuptonte dhe vetë që ne po përpiqeshim për t’i dhënë jetë, por ishte e pamundur”, ka rrëfyer Cani.
I riu humbi jetën ditën e hënë në spitalin “Shefqet Ndroqi” ku është i shtruar në gjendje të rëndë shëndetësore edhe i at ii tij, ndërsa nëna e tij arriti ta mposhte virusin.
